|
Arkivleiar skal gi rettleiing og føre tilsyn med arkivdanning og arkivoppbevaring i kommunen. Hovudoppgåver til arkivansvarleg er:
- å halde seg oppdatert om den faglege og teknologiske utviklinga på arkivsektoren og om endringar i lov og regelverk for offentleg arkiv
- å gje fagleg rettleiing til arkivpersonalet og saksbehandlarar, samt sørgje for at arkivmedarbeidarane får tilbod om å utvikle fagleg kompetanse og halde seg oppdatert om den faglege utviklinga
- å gje nytilsette nødvendig opplæring
- Arkivleiar skal involverast i alle prosessar som omhandlar fagsystemer i kommunen. Arkivleiar ilag med systemsansvarleg har ansvaret for at arkivfunksjonen både i sak-arkivsystem og fagsystemer er i tråd med arkivlova. Arkivleiar ilag med arkivmedarbeidar på einingane, er ansvarleg for at bevaringsverdige opplysningar blir avleverte.
- å rapportere til leiinga i kommunen om verksemda til arkivtenesta og leggje fram framlegg om tiltak som skal heve kvaliteten på arkivarbeidet
- å utarbeide verksemdplanar for arkivtenesta
- å føre tilsyn med at arkivarbeidet skjer i samsvar med reglane i arkivplanen
- å føre kontroll med at arkiva i kommunen er forsvarleg oppbevart og sikra
- å ta initiativ til oppdatering/endringar i arkivplanen
- å vere kontaktperson med Interkommunalt Arkiv Møre og Romsdal
Arkivansvarleg skal takast med på råd når kommunen skal oppgradere/skifte sak-/arkivsystem og fagsystem og ved innkjøp av arkivmateriell. Arkivansvarleg skal få høve til å uttale som om dei arkivmessige konsekvensane av planlagde omorganiseringar i kommunen. |